2016-12-24第一天,

先到鳳崗,休閒一天,行下商場,晚上打邊爐.

 

206-12-25第二天,

在鳳崗吃過簡單早餐,出發往珠海,途徑南朗鎮,食過農家菜午飯鴨嘴魚炆雞非常好食,

再到中山故居遊覽一下,

就返去珠海濠天酒店,在酒店休息一下,五點鐘出發,想去海邊影日落,

點知天氣唔好,去左情侶路遊下車河,途徑附近唐家找了家千打牛肉食火鍋,

但係牛肉丸就唔係咁好食,其他都可以,之後開車回酒店休息,準備下一天澳門行程.

 

2016-12-26第三天,

一早起床,梳洗之後出發行去灣仔碼頭,預計過到澳門果邊先至食早餐,點知道呢個碼頭原來已經關閉咗,無可奈何走回酒店，食過中式早餐,之後坐的士去橫琴口岸過關,時間都十點了,過關人都唔多好順利去到澳門,出左關之後本想去坐巴士,但係等左好耐都冇車,唯有轉坐的士過去路環市區,食個出名嘅安德魯葡撻,再去附近影下相,一點鐘去食開飯嘅飯店食個午飯,個名忘記咗,

都唔錯,之後兩點鐘左右轉坐巴士去氹仔官也街附近行下食下大菜糕

影下相,影到差唔多四點,走咗去譚家魚翅食個魚翅,每年去澳門都係例牌菜,

之後再轉巴士過澳門去大三巴附近,途經澳氹大橋時,見到太陽正在落山,馬上落車就去附近海邊影日落影風景,

差不多影到七點,之後走去搵光影節景點南灣雅文湖畔，又影咗差唔多一個小時,在附近找了一間麵家鳳城食過簡單晚飯,坐巴士回關閘,過到珠海嗰邊九點多十點,回到酒店，因今天的行程非常緊密,走咗好多路...梳洗一下之後到樓下酒店裡的休閒中心按摩,拆完骨之後回房間,倒頭就睡了.

 

2016-12-27第四天,

早上起來找家港式茶餐聽食早餐,之後去左野狸島踩單車觀光影下相,

約12點半就馬上開車返深圳,因知道虎門大橋塞車,塞左好耐,3點半先返到羅湖口岸,馬上過關,人流多但都算快,過關後上左火車,不過個肚咕咕聲,上水出找家茶餐廳醫肚先,食到飽飽再坐火車回家去