2018科哥為食遊-

珠海番禺順德篇

2018-06-30 至 07-02

嘉賓有科哥,美美,老尖,華記

 

6月30晚

先從羅湖過關,約左8:30系關口食晚飯,食完晚飯即刻由科哥開車去珠海情侶南路303號景灣閣11樓A室有無敵海景嘅公寓,到達時候已經12點有多,因途中比較塞車,公寓室內舊左D都可以但係就無浴巾牙膏水..跟住快手執拾一下沖涼就訓覺....

 

7月1號早晨,

一早起身影下港珠澳大橋,再喺附近食個早餐,再開車去順德財記海鮮餐廳,車程大約兩個半小時,食個海鮮章紅魚刺身午餐,新鮮又好味,欣賞下附近河景,買咗啲手信，就再開車去番禺石壁附近探訪下科哥祖居,車程大約一個小時多,探訪完畢後,再開車去順德龍江鎮敘江樓食粥底火鍋,先到附近商場流覽一下順便去超市買啲零食晚上睇波;就去酒家食晚飯,啲牛肉同魚片好滑,不過隻龍江鷄就麻麻地...,食到八點幾就開車返珠海情侶南路,經過投訴後見到補返水同小手巾牙膏...先沖涼再睇返場世界盃西班牙對俄羅斯睇曬全場加咗時都係1:1,啲球員都踢到抽曬筋,終於俄羅斯憑互射12碼4:3贏咗西班牙,跟住就訓覺....

 

7月2號早,

又欣賞下無敵海景,由老佔開車,呢次係老佔第一次係國內駕駛;先系附近食個港式早餐,再專程開車到中山南朗鎮海鮮市場途中落大雨開得非常慢...,車程一小時左右,到咗海鮮市場買左四隻蟹（特別叫蟹商留）,買完就去錦綉海灣城睇下樓盤,再到附近禦海農莊食蟹宴午餐,好味又好食,大約兩點鐘左右交回科哥開翻車去羅湖關口,中途又塞車架車又冇油,去咗南沙服務區入油同放下水,再驅車去羅湖關口,因時間關係有限行,轉到福田口岸,到達時剛好5點15分,將車交回科哥同事,然後過關坐地鐵各自回家,返到屋企都六點半喇.