2019復活節珠海澳門遊

 

之前一晚即18號,好夜我先收工約10點多,再會合May姨一齊去羅湖口岸過關,大約11點半諗住出關叫滴滴,點知冇滴滴,等左冇耐見唔對路,行咗去地鐵附近出面再打的回龍福,返到龍福都差唔多12點45分.

 

2019-04-19

9:30一早起身梳洗完先去東莞鳳崗金禾餐廳

食返個餐蛋出前一丁,超大杯好味咖啡,再加一件多士,之後就開車去海鷗島,經南沙大橋即係虎門二橋睇下呢條新大橋,途中又塞車又大雨，又有交通意外....

12:30到達番禺海鷗島釗記農莊,食個靚午飯有燒鵝,煎魚，絲瓜浸元貝,鯪魚肉餃,超好味蔥油餅,之後開車去珠海

15:00到達珠海情侶路美麗灣海琴苑4棟3單元1306室,三房兩廳超級無敵海景,房東就係業主,稍作休息欣賞一下附近風景拍下片影下相,開車去橫琴食晚飯,先到橫琴附近欣賞下科技園,都係落大雨....18:00到達橫琴公社農莊我哋嘅晚餐係....鹽焗重皮蟹,燒雞,芥末生蠔,超好味新鮮嘅椒絲腐乳通菜,食飽飽又開車去情侶南路黃氏正軒牛奶甜品（吉大店）食返個薑汁撞奶,途中經過撗琴二橋夜晚橋上燈飾好靚...,喺吉大店附近買啲生果返酒店食,返到酒店等下又係食......生果.

 

2019-04-20

一早搵早餐食,再開車去橫琴關口,今次好特別就係附近冇位泊,要拍到老遠,再用車埸專車（高爾夫球式電車）接駁到關口,過關人都唔多,坐接駁巴士到達澳門口岸,就馬上轉搭的士到氹仔木偶餐廳對面,去Bryan舅父屋企探望下,差不多個半小時後,就走路到銀河酒店參觀一下,May姨有啲唔舒服,隨便吃個午飯牛肉煙肉鐵板飯+皮蛋瘦肉粥.馬上坐的士趕回關口返橫琴,返到橫琴就即刻將車開回住宅式酒店,讓May姨休息一下,在住宅裏邊享受一下,晚飯時候冇出外邊食,叫了美團的披薩,藥膳雞,同埋兩款水餃當晚飯,估唔到都好好食,系個水餃唔夠熱...再美團叫薑汁撞奶甜品當宵夜再欣賞下夜景，睇下電視,就早啲休息了.

 

2019-04-21

一早起床,驅車到附近搵早餐食,搵唔到港式奶茶餐廳,找了一家附近碧濤路的財記快餐店,飲咗維他奶,冇湯雲吞同埋腸粉味道都唔錯,之後就開車返中山錦綉海灣城交管理費,問下停車場資料,附近睇咗一陣,再開車去中山翠亨村綠色家園食農家菜,食完農家菜就返東莞去,車程差不多三小時,Bryan開到好眼訓😜,返到東莞都四五點,休息一下又係食嘅時候,Bryan帶我去開嘅野味店唔記得咗乜嘢名,食大頭魚,燒鵝...,食完又返龍福了,途經按摩店就我自己走去按摩一下,Bryan同May姨自己先返屋企,按摩後舒服曬,我自己坐的士返龍福,返到龍福都係11點幾,又係休息嘅時候了..

 

2019-04-22

一早起來梳洗一下,之後又去咗我哋嘅金禾快餐店食同一樣嘅早餐,食完個靚早餐就去沃爾瑪行街街,買咗啲衣服又返龍福去,唞咗一陣就約滴滴車3:30返福田口岸過關返香港,返到香港大約六點了.