6/30晚11點左右從上水先去港珠澳過關去中山,是次安排係避免7/1港車北上帶來擠塞,差唔多12點到達珠海口岸,已經見有多架港車等過關,再開車去敏捷海岸唔洗40分鐘到附近食個靚雞粥宵夜,之後返去度假屋沖個靚涼訓個靚教.

7/1早8點幾起床,執拾下,9點半多就開車去南朗附近食早餐,本想去開個間”928”茶餐廳食,因未開門(開10點半)10點左右到,見隔離有間”鳳鳴竹笙麵”,就入去試一下,順便參觀下竹昇打麵過程,食咗個好味牛腩麵同雞扒河,有水準.見時間仲早,就再去鄰邊行下,發現有間叫”Cookie Café”, 就入去嘆左個好味靚咖啡,店鋪裝修都唔錯,嘆完.

11點25分就開車去順德樂從睇一下傢俬,因呢度係出咗名既傢俱城,12點40分到達,地方真係好大行下睇下…..真係乜傢俱都有絕對滿足到你想買乜,差唔多兩點,又開始肚峨喇,就係附近一家酒樓食個平淡午餐,食完再去睇傢俬,終於係附近一家睇啱左一張雲石檯,就決定買下,價錢平靚正,先落訂,做好再安排運返香港,搞掂.再去睇下辦公傢俱不過就唔啱心水,就建議去食順德出名既雙皮奶,

網上查左下,大良有家幾出名既”仁信老舖”雙皮奶, 4點半從樂從開半個鐘就到,先點雙皮奶食好味道比較帶甜,都唔錯,再添加薑汁撞奶,夠滑漏,形容唔到一定要自己品嚐先體會到. 意猶未盡,再點咗個西多試食,外貌完全好似吉列豬扒樣,食落非常好味,外脆內軟,都係個句一定要親身品賞先體會到.5點半左右再係附近行下,

六點多就開車去歡樂海岸附近既”順德漁村”食晚飯.六點45分左右到達,漁村環境非常正,點咗鹽水雞/鰻魚/魚頭/魚餅/乳鴿/臘腸煲仔飯/菜,好正又好味-完全食晒 ,價錢又唔貴.值得推薦.食到8點45分,再開車去皇崗口岸剛好10點半放低朋友,唔洗一個鐘就返到東莞鳳崗休息.

今次7/1行程非常滿意.品賞正參觀正.