‹ 返回

復活節假期兩天遊09-04-2023 10-04-2023

香港/珠海/中山/東莞/香港
大約十点鐘出發從香港到珠海經港珠澳大橋，十點50分到達珠海關口，落車過關唔使十分鐘，

再出發去珠海淇澳島，12點十分到達紅樹林附近食農家菜，但見可利農莊餐廳冇乜人食下午飯...好多年前都嚟過呢間食過飯，就決定去一下勝利廣場附近白石街行下，參觀一下蘇兆征故居，再搵飯食，喺淇澳廣場一家“故居小廚”食咗個下午飯，有燒鵝鰂魚紅燒豆腐菜...，食完再去勝利廣場睇一下買咗一梳蕉，三点鐘左右出發回敏捷海灣城，

三點45分回到海灣城執拾一下放下行李，五點半左右再開車到馬鞍島，睇一下深中通道發展如何，行程都唔使半小時，

六點多啲睇完再出發返去崖口棠記海鮮食晚飯，六點45分到達棠記，食一個豐富嘅晚餐特色食重皮蟹，另聽棠記老闆講，深中通道將會係2024年6月18號開通....八點20分再開車到南朗興和廣場，八點40分到達行下街，買下嘢差唔多十點多再出發返敏捷海灣城，

唔使十點半就返到，喺度假屋休閑一下叫咗美團一啲飲品到12點就瞓覺喇。
一大早起身睇下海景，執拾一下，十點半在到附近锦綉海灣城睇一下，11點左右到中山南朗鎮928茶餐廳食個靚餐蛋麵早餐，再開車去南沙14涌，剛剛一点鐘到達，參觀一下我哋幾年未到過嘅14涌，環境完全變曬，買下啲零食脆冬菇脆秋葵...，一點45分再去十九涌行下食雙皮奶，

兩點45分再開車回鳳崗沃爾瑪，剛好兩小時，四點45分到達，又行下街買下嘢，六點15分返回龍福花園放低嘢再開車去東莞塘廈順大廚食晚飯，差唔多七點先到因途中比較塞車，食到九點再去鳳崗附近買下糕點回香港，九點半左右出發開車去深圳灣口岸，行程大約十點半左右到達，因今日系假期最後一天關口非常多車，不過過關非常順利11點多啲就已經過左，唔使12點就已經返到屋企。