‹ 返回

23-Dec-2023

晏晝二点鐘旺角出發去汕頭經蓮塘口岸，天陰陰但冇雨，途經鮜門服務區放下水，約7點25到達汕頭吳記富苑潮州菜晚飯，好有特色美食，食完附近行下，買左水果返南澳島云海度假區2棟1703，4房2廳非常大，分配房間執拾一下，再食水果就沖涼瞓覺。

 

24-Dec-2023

約九點鐘起床，天氣小小陰天，開車到附近找了一輪，找到一間老二早餐，食個豬肉河粉非常好味，再到附近行一下，買下糖果，經過一間杏仁茶非常美味，行到差唔多十二点鐘就開車去青澳灣，約咗船家一点鐘遊船河，12點45到達北回歸線，再聯絡船家，點知唔聽電話，被放飛機，於是喺北回歸線放下無人機，就喺附近行一下，買咗紫菜同埋其他美食當午飯，團友決定租架電動單車玩一下，於是玩開車跟住電動單車遊下附近，玩到四點多，再回北回歸線還車，因為無食午飯只系食咗零食，就決定喺附近海鮮餐廳吃晚飯，吃到六點多再回今早食早餐附近行下街又買下水果，七點多搵了一家沐足順便按摩一小時，又再行下街再搵美食諗住食雞粥，點知附近冇雞粥食，九點多就決定回度假屋叫美團，剛好沖完涼，美團就送到雞粥排骨粥，鍋貼，呢個宵夜非常好味，食完宵夜再食生果大家就回房睡覺喇。

 

25-Dec-2023

又係九点鐘起牀，天氣非常晴朗，藍天冇雲，再開車到市中心附近又食老二早餐，食完個美味早餐，又去行下糖果店，之後又去鳳姨杏仁店在歎美味芝蔴餬杏仁糊，同埋開心鬼即係開心果，差唔多食完嘅是有突發事件，啲人依嘩鬼叫原來係有隻米奇仔，之後就即刻走人，再出海濱長廊行一下，順便去下洗手間，之後上車去汕頭觀塘兄弟，大約1點半到潮州大道觀塘兄弟，牛肉/牛丸... 非常正，食後又開車回汕頭市再揾美食，先返去亞強果汁冰嘆水果冰，之後再去小公園睇下舊城區，640離開去揾粥底火鍋，剛好七點左右到達愛膳潮舟火鍋店食個靚粥底火鍋 ，食到差唔多九點幾就開車返南澳島系kfc食咗個靚軟雪糕就返度假屋沖涼瞓覺。

 

26-Dec-2023

又係九点鐘左右出發，再去老二早餐食早餐，食完個早餐就開車去長山尾燈塔打個卡，就開車出發去汕尾，途經惠來服務區去下廁所，順便買咗水壺同埋茶壺，就繼續出發去我哋下一站劉德華拍攝地二月里食午飯，食完個午飯就開車去咗附近超會買同沃爾瑪行下街街買下零食，就開車搵好出名嘅梳芙厘歎一下，六点鐘左右再驅車回香港，八点鐘左右到達蓮塘口岸，好快就返到屋企