網誌分享!
2024年7月1日
大陸到期換証或免試換大陸駕照
前提要帶香港車牌及有大陸手機號碼同埋有微信支付，我地2點15分到達南山車管所，
（因為之前唔知邊度會比較方便，而我個大陸駕照係六年前喺南山搞，所以就去南山車管所辦理，呢度夠曬大）
先行上二樓，先安檢進入大廳，查詢工作人員應如何運作，告知首先走去一號窗查詢操作，員工會給籌號再告知要走落一樓做體檢影相，落到一樓體檢中心又安檢，不過入面好多人，都要攞籌，排隊慢慢等，到號就由當地工作人員協助進入自助體檢影相，根據屏幕顯示操作就可以，要填回鄉証及大陸手機號碼，就開始驗眼，驗色盲，聽力測試，四肢操作，體檢45蚊鷄，影相10蚊雞，要用微信支付，搞掂咗之後就可以等出報告同埋照片，出完咗之後又走返上二樓，又安檢進入大廰，再去一號窗登記，登記好之後要去近門口自助機取籌，填回鄉証號，取完籌等叫號，（要注意牆上的顯示屏號碼）等到叫號到對應窗口直接辦理，提供回鄉証，身份証，香港有效車牌，地址只需填寫就可以，到期換証的大陸駕照，只需要付款10蚊雞到期換證費用，當然都系要用微信支付，（免試換証就要490蚊鷄，再要去資訊台上一下簡單交通警示教育學習）辦理完畢再等叫名取證（又系要注意牆上的顯示屏等有你個名）亦會發短信到手機通知，到26號窗口直接取證就完畢。
到期換証用左1個半小時（十年期）
免試換証約2小時（六年期）就搞掂