‹ 返回

深圳灣公路大橋，在工程期間與深圳灣口岸合稱為深港西部通道

是一條跨海公路大橋，屬於香港10號幹線的一部份，橫跨深圳灣和后海灣。(維基百科)

2023年3月5號星期日

突然即興，因老襟剛申請左中港車，就和老襟小姨疫情後首次回東莞，中午1點45分從旺角出發去屯門經深圳灣大橋回東莞鳳崗龍福花園（因老襟的大陸車只有沙頭角通道批文，沙頭角又仲未開通，又暫時回大陸只能用深圳灣或港珠澳大橋，所以選擇經深圳灣口岸過大陸），首要用微信填寫海關入境健康申報資料 ，截圖好黑碼。

2點40分到達深圳灣口岸，過關行程非常順利，過香港關時不用下車就可以連人帶車過關，再過大陸關口要首先要落車，走入境通道再經過自動通道過關，經過x光機，再用截圖入境黑碼，好快就過咗關，在小客車車場等老襟清關完再接返我哋，

從深圳回東莞鳳崗，途中比較塞車，4點06分到達龍福花園，全程用了兩個多小時，因下午飯仲未食所以就去咗附近友記茶餐廳食個餐蛋麵下午茶，食完大約5點先至返龍福花園，都超過三年冇返過嚟，

喺龍福花園休閒到七點半，再返友記茶餐廳攞滷水掌翼，就去順大廚食晚飯，大約8點15分到達，點左以下餸菜:

千層鴨嘴魚粥底

椒鹽鴨嘴魚頭骨

清遠雞半只 生上

加一些菜。

鴨嘴魚肉非常滑溜，鴨嘴魚頭骨好味，粥底煮清遠雞同菜就唔使講用粥煮嚟食鮮夾甜，經理再送咗一碟白糖糕甜品，鬆化好食。

食到9點45分就出發回香港，途中到深圳加油，又係要先用微信填寫出境資料截圖黑碼。10點45分左右到達深圳灣口岸，到達閘口，我和小姨以為要走出境通道，在閘口就落車走過去，點知有個關員告訴我們可以在車上先掃完黑碼過了閘口才落車走出境通道，之後過了閘口後就和小姨用出境通道過關，過完關後就在出境門口等老襟清關完畢再接我哋上車，再驅車經深圳灣大橋去屯門回旺角，剛好到達旺角11時45分，只需要一小時就到達非常快捷方便，全程用了兩小時。

估計回程的時候如果暢順的話應該一個半小時就可以回到。