網誌分享!
5/11/2024 星期六
乘坐CX743航班16點50分從香港出發大約七點到達河內機場,喺機場等租車開車來,搞咗一大輪先搞掂手續,馬上開車去附近東英縣搵咗一家餐廳食個靚晚飯/水煮牛肉/烤魚...再返海防日航酒店,都已經11點半,馬上check in差唔多一点鐘先至上床訓覺.
5/12/2024 星期日
早上八點半到酒店地下大堂餐廳食自助早餐,食到十点鐘就出發去河內參觀景點,高速上中途站入油順便睇下手信,再開車去河內火車站打下卡,之後去大劇院又打下卡,再去食下越南出名河粉,順便睇下大教堂,就開車去西湖參觀一下,途經越南軍事博物館喺車上邊影相打卡算，再到附近出名既按摩鄞街想搵一家按摩店按下摩，因為按摩店無師傅又時間不夠，就決定先去河內JW萬豪酒店因預約咗630自助晚餐,不過我哋提早咗六點鐘倒就開始食美味自助餐,食到八點半就開車返海防,途中又下大雨,返到酒店到十點半就回房間訓覺。
5/13/2024 星期一
8點30分先在酒店食個靚早餐，10點45分去到MAY topical coffee歎下特色咖啡18萬越南盾四杯椰子咖啡一杯蛋咖啡，11點左右歎完咖啡，開車去東京灣吉海島唯一汽車渡輪碼頭乘搭渡輪去吉婆島，12点鐘到達碼頭，排隊等咗一個多鐘頭先上到渡輪,喺船上當然要打卡，航程大約半小時，落船後途經一個涼亭打下卡，又途經一間叫“風店”餐廳食個靚午飯，食左特色魷魚筒，美味炒麵炒飯花甲...食到2點幾，再開車到卡巴市中心，本來想去炮臺山飽覽下龍灣風景，點知原來炮台山喺限制區域上唔到去，另知道等船需要時間就決定回碼頭 ，剛剛開車無耐就下大雨，回到碼頭都差唔多四點多，等咗三四輪先到我哋上船，回到吉海灣碼頭就馬上開車回海防到附近一間THE PALM法國餐廳食晚飯，食咗特色美食，非常好味，再去附近一家SPA HOA SEN按摩店，再按個靚摩，之後就回酒店了。
5/14/2024 星期二
一早起床八點多落去樓下餐廳再食個靚早餐，九點多就check out，直接開車去秦洲島碼頭，上郵輪享受我哋兩日一夜遊下龍灣。11點多到達ALISA PREMIER CRUISE，先喺附近泊好車20萬盾泊一日，搵咗間咖啡廳歎杯咖啡，再到碼頭check in，等待一下就可以上船了，上船先到房間欣賞下，再到餐廳食個自助午餐，船程首先開到驚訝洞附近，到達後先穿好救生衣用駁艇就起程出發去驚訝洞碼頭，落船導遊講解一下洞裡名勝，因人太多要排隊上山，到達洞口進入後發現裏面非常之大，咩鐘乳石，佛像，烏龜..，欣賞完後落山到中段茶水站喝咗個靚椰青，再回碼頭等駁船去基托夫島，島上山頂有個美麗風景但要行400多級樓梯放棄了就喺沙灘遊下水感受一下下龍水，到達集合時間，再到碼頭上船回游艇，回到郵船，有個烹飪班，遊客聽員工講解如何製作越南小食，另喺船上欣賞下下龍灣風光歎下飲品，再到餐廳品嚐美味晚餐，品嚐然後睇下其它遊客釣墨魚，入黑後回房間欣賞下龍灣夜景就上床睡覺了。
05/15/2024 星期三
很早就起床，因為六點45分就開始早餐時段，吃完早餐就要上駁船去另一個地方天井洞，遊客可以選擇划獨木舟或坐竹筏遊覽附近，而島上邊有個地方有啲馬騮，讓遊客餵食，玩樂完再上駁船回游艇，食個自助午餐，就開船回秦洲島碼頭，取車後開回海防附近AEON商場行一下，再到MAY topical coffee咖啡店飲咖啡，飲完靚咖啡就開車回河內機場，還車之後喺機場食個普通晚飯，就等上飛機飛回香港。回到香港機場已經九點多十點，回到家差不多12點了